Суу ресурстары, айыл чарба жана кайра иштетүү өнөр жайы министрлигине караштуу Ветеринардык кызматтын инспекторлору Казакстандын Астана шаарында өтүп жаткан үч күндүк семинарга катышып жатат.
Иш-чара Борбор Азиядагы чек араларды башкарууга көмөктөшүү программасынын (BOMCA) 10-фазасынын алкагында уюштурулду. Семинар Ага Борбор Азия өлкөлөрүнүн Ветеринардык жана фитосанитардык кызматтарынын жаңы кызматкерлери үчүн баштапкы окутуу модулун иштеп чыгууга арналган.
Бул программанын максаты – аймактык коопсуздукту жана туруктуулукту жогорулатууга, чек ара кызматташтыгын өнүктүрүүгө жана чек ара аймактарында жашаган калктын жашоо шартын жакшыртууга багытталат.
2003-жылы ишке киргизилген BOMCA программасы чек ара башкаруу тутумун өркүндөтүүгө, мыйзамдуу соода агымдарын жөнгө салууга жана мыйзамсыз ишмердүүлүккө каршы күрөшүүгө көмөктөшөт. Анын учурдагы 10-фазасы эл аралык стандарттарга шайкеш келтирүүгө, мыйзам бузууларды иликтөөнүн натыйжалуулугун жогорулатууга жана жергиликтүү экономиканы өнүктүрүүгө басым жасайт.
